Sacrosanctę ęcclesię Cluniacensi, quę est in honore beatorum apostolorum Petri et Pauli consecrata, cui donnus Aymardus abbas preest. In Dei nomine, ego Sobo et Vuandalmodis donamus aliquid de rebus nostris, videlicet curtilum qui est in pago Matisconensi, in vicana Tolvionensi, in villa Vacivarias, in quo curtilo Leotardus visus est manere, illam medietatem quam de Gislario presbitero adquisivimus. Hanc, pro amore Dei et pro remedio animarum nostrarum et animę Gislarii presbiteri, ex integro donamus ad Cluniacum. Namque curtilus ille terminatur a mane terra Francorum, a meridie et a sero via publica, a circio terra Sancti Pauli. Donamus etiam simul quicquid pertinet ad ipsum curtilum, in campis, pratis, silvis vel aquis, quesitum et adquirendum.